शेती
चाले तिफन तोऱ्यात
नाही उसंत मायंला
तिचा जीव लेकरात
झोका टांगला जुयेला
घंटी करे किंण-किंण
जणू अंगाईच गाई
बाप हाकतो तिफन
चाडं राखते विठाई
मुठ बिजाची हातात
कमरेला बांधी ओटी
अनवाणी पायानं गं
माय पेरे पोटासाठी
काळी आई शिपं त्याची
बाप शिपीतला मोती
पिकासंग मया मंधी
बाप पेरतोया नाती
उरं ढगांचा फाटू दे
शेती बापाचा नटू दे
हवं तर भगवंता
पान्हा मायंचा आटू दे
कोई टिप्पणी नहीं:
एक टिप्पणी भेजें